son ost, et se tindrent le roy et les barons d’aler à Tunes pour ce qu’il atendoient le roy de Sezile qui leur avoit mandé qu’il leur vendroit aidier prochainement. Quant les Sarrazins aperçurent que les barons feisioent fossez entour leur ost, si s’assamblerent de toutes pars et furent tant qu’à paine porent estre nombré ; et manda le roy de Tunes bataille. L’endemain par matin, Sarrazin chevauchierent à bataille ordenée et s’espandirent jusques au rivage de mer où les nez estoient, et firent semblant de tout enclorre. Quant François les virent venir, si s’armerent hastivement et issirent de leur heberges a baniere desploiée. Le conte d’Artois et sa bataille ala devers la mer si avant qu’il enclost une bataille de Sarrazins. Pierre le Chambellenc[1] torna celle part et les enclost d’autre part, si que les autres Sarrazins ne leur porent aidier. Si commença l’assaut des ii parties et lancierent les uns aus autres. Sarrazins virent bien qu’il estoient en peril, si tornerent en fuie ; mès ançois qu’il fouissent, la greigneur partie en fu ocise. En ce poigneiz fu ocis le chastelain de Biauquere et messire Jehan de Roselieres. Le roy fist retorner son ost aus tentes et aus paveillons, car il n’ot pas conseil d’aler plus avant jusques atant que le roy de Sezile feust venuz. L’endemain poi ou neant furent veuz Sarrazins pour ce qu’il firent feste à leur sabbat. Le mardi emprès, vint en l’ost messire Olivier de Termes[2] et aporta certaines nouvelles que le roy de Se-
- ↑ Pierre de Villebéon, second fils d’Adam de Villebéon, chambellan de France, mourut devant Tunis en 1270. Son corps fut rapporté à Saint-Denis et enterré aux pieds du roi (P. Anselme, Hist. généal., t. VIII, p. 439).
- ↑ Olivier de Termes, un des plus braves chevalier de son siècle, était fils de Raimon de Termes et d’Ermessinde de
