Page:Viard - Grandes chroniques de France - Tome 7.djvu/311

La bibliothèque libre.
Le texte de cette page a été corrigé et est conforme au fac-similé.

Preecheur qui entendoit Sarrazin. Et quant le bouteillier le vit si forment pluerer, si en ot grant pitié et li dist qu’il ne se doutast, car puisqu’il estoit venu en fiance aus crestiens, il i trouveroit foi. « Sire » dist le Sarrazin, « je sai bien que vous m’avez soupeçonneus de ce fet, ja soit ce que je n’i aie corpes. Sachiez tout vraiement que ce a fait i chevalier qui me het, pour moi grever. Nous sommes ii des greigneurs sodoiers de l’ost au roy de Tunes, et avons chascun dessouz nous, iim et v cens chevaliers. Et mes compains qui a envie seur moi, s’aperçut que je me voloie metre en votre garde de mon gré ; si procura cest assaut que vous avez eu, pour moi empeechier envers vous, et si sai bien que nus de mes chevaliers fu en ceste bataille ; et que vous puissiez savoir ce que je vous di, lessiez aler i de mes compaignons à mes genz qui vous amenront vitaille et nous seront en aide tant comme il porront. »

Quant le boutellier ot entendu le Sarrazin, si dist au roy ce que le Sarrazin li avoit conté. Le roy commenda que l’en le lessast aler ; si porroit l’en veoir leur leauté.


CXIV.
Comment l’ost fu fermée de fossez[1].

Le roy fist fere fossez[2] entour son ost pour les Sarrazins qui les venoient trop souvent assaillir, et se fist bien fermer et enclorre que il ne porent aprochier de

  1. Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 454-457.
  2. Ce fossé aurait été commencé le dimanche 27 juillet (Lenain de Tillemont, t. V, p. 157).