toient demourées, et pristrent armes et quanqu’il avoit dedenz et firent grant bataille et fort contre les autres[1] ; et occistrent et mistrent à mort grant foison des François, et pristrent à force l’amiraut des galies qui avoit à nom Enguerran de Baiole, noble chevalier et vaillant ; et Aubert de Longueval fu occis, chevalier esprouvé en armes qui se msit trop avant sus les Arragonnois ; car il se fioit es autres chevaliers qui assés près de lui estoient, mais le seigneur de Harcourt[2], qui estoit mareschal de l’ost, le laissa occirre pour ce qu’il le haioit.
Quant la gent le roy virent et aperçurent qu’il ne pourroient pas ilec longuement demourer, si racheterent Enguerran une somme d’argent, et puis bouterent le feu en toutes les garnisons, et embraserent toute la ville de Rose. Si comme il estoient au chemin[3] et il s’en aloient, si grant ravine de pluie les prist que à paine se porent il soustenir ne à pié ne à cheval, ne en leurs paveillons ne porent il demourer, tant estoient grevez.
Le roy Phelippe fu moult dolent et courroucié de ce qu’il avoit pou ou noient fait en Arragon ; car il li estoit bien avis qu’il deust avoir pris tout Arragon et toute Espaigne, à ce qu’il avoit tant de bonne chevalerie et au grant peuple qu’il avoit amené avec li. Si fu moult pensis dont ce pooit venir, ou par mauvais
- ↑ Sur la bataille de Rosas qui eut lieu le 4 septembre 1285, voir Lecoy de la Marche, op. cit., t. I, p. 268, et Langlois, op. cit., p. 161 et 162.
- ↑ Jean II, seigneur d’Harcourt.
- ↑ Le camp devant Girone fut levé le 13 décembre. Sur la retraite de l’armée française, voir Langlois, op. cit., p. 163 et 164, et Lecoy de la Marche, op. cit., t. I, p. 272-278.
