le seigneur de Neelle, connestable de France, qui de Bourdiaux, en l’ayde de Charles le frere le roy de France Phelippe, à Rions venoit de[1] une ville des Anglois garnie que l’en appelloit Podency[2], à laquelle avoit tenu le siege par viii jours, fist convenances as Anglois qui avec les Gascoins la deffendoient, qui s’en iroient seurement, leurs vies sauves. Et lors, ce fait, si la reçut le jour des grans Pasques[3], dont laissa aler les Anglois, et amena les Gascoins par nombre lx, à Rions, à messire Charles, lesquiex celi Charles, au xve jour[4] après Pasques, fist touz en gibez devant les portes de Rions pendre et encrouer au vent. Et quant ceulz du chastel virent ce, et cognurent ce, et sorent que à Podency les Anglois eussent tray, lors envers la gent du roy d’Angleterre qui dedenz le chastel estoient avec eulz, s’esmurent à grant despit et desdaing. Pour laquelle chose Jehan de Saint Jehan et Jehan de Bretaigne, come la nuit fu venue, en leurs nefs fuians, par mer s’en eschaperent. Mais il furent ensuivis des Gascoins, et pluseurs des Anglois, ainçois qu’il entrassent es nes, furent occis. Adonc, au vendredi ensuivant[5], les François apercevans en celle nuit avoir eu discorde et contens au chastel et que
- ↑ Le mot « de » est donné par le ms. fr. 17270 de la Bibl. nat.
- ↑ Podency, latin : « Podenciacum », auj. Podensac, Gironde, arr. de Bordeaux, ch.-l. de cant.
- ↑ Le 3 avril 1295.
- ↑ On a dans le latin : « feriâ quintâ Paschæ » ; c’est donc le jeudi après Pâques, soit le 7 avril.
- ↑ Le 8 avril.
des Gaules et de la France, t. XX, p. 576-577. Cf. éd. Géraud, t. I, p. 288-290.
