envoier les au coronnement, en quelque lieu que il soit.
Quant la feste fu passée, les barons et les haus hommes se departirent, et ala chascun en sa contrée. Le roy se departi et ala droit en Vermendois visiter le pays et soy esbatre. Si comme il estoit ilec, le conte d’Artois li pria et requist qu’il venist deporter soy en son pays et qu’il venist veoir la cité d’Arraz. Le roy li otroia volentiers. Les bourgois qui sorent sa venue commencierent à faire grant feste et parerent la ville, et mistrent hors le ver et le gris et moult d’autres grans richesses, et reçurent le roy a grant joie et a si grant lieesce comme il porent plus ; ne il n’est pas homme qui peust dire que onques mais eust veu plus belle feste ne plus grant. Le conte d’Artois manda les dames et les damoiselles du pays pour faire tresches et queroles[1] avec les fames as bourgois qui s’estudioient en toutes manieres de dancier et d’espinguier[2], et se demenoient en toutes manieres à leur pooir qui deust plaire au roy. Quant le roy ot ainsi esté honoré, si li prist talent de retorner en France[3].
Après ce que le roy fu retourné en France et il fu
- ↑ Tresches et queroles, danses et rondes.
- ↑ Le ms. fr. 17270 de la Bibl. nat. donne la forme : « espingler » ; l’un et l’autre signifient : danser, sauter.
- ↑ Le texte latin ajoute qu’il fut à Saint-Denis « in festo Decollationis sancti Johannis Baptistæ », soit le 29 août.
- ↑ Guillaume de Nangis, Gesta Philippi regis Franciæ, dans Rec. des Hist. des Gaules et de la France, t. XX, p. 490-491.
