royne d’Angleterre, si comme plusseurs le disoient. Lequel chevalier, pour les causes dessus dites, fu detrait à queues de chevaux, et confessa qu’il avoit procuré la mort de Edouart ; c’est à savoir du pere dudit Edouart jeune roy d’Angleterre, et pour ce, fu-il pendu. Et le filz dudit chevalier, messire Rogier, demoura en prison jusques atant que le roy et les barons eussent plus plainement ordené qu’il feroient dudit filz. Et la royne, du mandement de son filz le jeune roy d’Angleterre et des barons fu mise souz certaine garde en i chastel[1].
Item, le iiii jour de jenvier l’an dessus dit[2], le pape oy dire que Loys de Baviere avoit faite une grant convocacion en Alemaigne d’aucuns nobles barons ; et encore avoit-il propos de en faire une autre après la Chandeleur ensuivant. Pour ce, l’ammonnesta le pape de non faire la dicte convocacion et touz autres de non estre ; et se il faisoient le contraire, il encourroient la sentence d’escommeniement de par le pape donnée.
Item, environ ce temps mourut l’arcevesque de Rouen[3], auquel succeda Pierre Rogier[4] arcevesque de Sens.
- ↑ La reine fut enfermée à Castle-Rising, dans le comté de Norfolk (Froissart, éd. Luce, t. I, 1re partie, p. clvii, note 1).
- ↑ 1331 (n. st.). Les Grandes Chroniques, suivant la Chronique de Richard Lescot, (éd. Lemoine, p. 22) plutôt que la Continuation de Guillaume de Nangis, ont omis de dire ce que fit le pape le 4 janvier : « dominus papa Avinione existens, fecit consistorium publicum, ubi recitati sunt processus facti contra Bavarum et ejus fautores, et contra magistrum Michaelem quondam generalem ordinis Minorum, et contra alium ejusdem ordinis fratrem dictum Bonagratia, et plures alios ».
- ↑ Guillaume de Durfort mourut le 24 novembre 1330.
- ↑ Pierre Roger, qui, plus tard, fut pape sous le nom de
