conte d’Agyen[1], pour aucunes villes et forteresces, lesquelles messire Charles de Valois, pere du roy Phelippe, lequel avoit esté envoié en Gascoigne de par le roy Charles contre le roy d’Angleterre Edouart qui à present regne, par contumaces, si avoit pris et destruit ledit chastel et autres villes et forteresces par force d’armes ; lesquelles choses, Edouart roy d’Angleterre requeroit que elles li fussent restituées et rendues. Pour lesquelles demandes et responses, plusseurs messages eussent esté envoiez en Angleterre, et d’Angleterre en France. Mais, finablement, nul acort n’i pot estre mis, car messire Robert d’Artois empeeschoit moult la chose, si comme l’en disoit communément.
Item, en ce meismes an, mut une très grant guerre entre le roy d’Espaigne et le roy de Navarre[2] pour la garde d’une abbaïe assise entre les ii royaumes. Mais à la parfin, à la requeste du pape et du roy de France, messire Jehan de Vienne, arcevesque de Reins, procureur d’une partie et d’autre, c’est à savoir du pape et du roy, il furent mis à bon acort.
- ↑ Il y a, sans doute, ici, confusion entre deux noms, entre le comte d’Armagnac, qui réclamait des villes telles que Blanquefort et Veyrines, et le sénéchal d’Agenais, qui faisait de l’opposition à propos de cette restitution (Rymer, t, II, 2e part., p. 936. Cf. Eugène Déprez, La Papauté, la France et l’Angleterre, p. 130).
- ↑ Alphonse XI, roi de Castille, et Philippe d’Évreux, roi de Navarre. La Continuation de G. de Nangis, t. Il, p. 154, met par erreur : « inter regem Angliæ et regem Navarræ ». Cf. Chronique de Richard Lescot, § 104. Sur la mission de Jean de Vienne auprès d’Alphonse XI, voir Georges Daumet, Étude sur l’alliance de la France et de la Castille au XIVe et au XVe siècle, p. 34, et Raynaldi, Annales ecclesiastici, t. VI, p. 86.
