Le texte de cette page a été corrigé et est conforme au fac-similé.
MACAIRE
i conterons d’une merveille grant
Qu’avint en France moult grant piece a de tens,
Puis que mort furent Oliviers et Rolans :
C’est de Maience d’un cuivert soduiant,
Dont en morurent maint chevalier vaillant ; (*)
Li fel Macaires ceste oevre ala brassant. (*)
Oiés, seignor, sachiés certainement (*)
Que de pieça, et deriere et devant, (*)
Hom si sovrains ne fu el mont vivant (*)
Com Kallemaines, li riches rois puissans, (*)
Ne qui autant soffrist peine et torment
Por essaucer la loi de crestiens.
Contre paiens fu toudis conquerans
Et plus dotés fu il de tote gent.
Conseil d’enfant n’aloit mie escoutant, (*)
Et si dura le plus de deus cens ans,
