Page:Anonyme - Macaire, chanson de geste.djvu/493

3555—3581

301

Macaire.

Et la roïne à son destre costé.
Grans fu la joie, tel n’en vist on mener,
Por la roïne qu’est vive et en santé.
Et Varochers, ne le vos quier celer,
A sa moillier ancor nen est ralés,
Ne onc ne vist ne fil ne iretier
Depuis que d’eus il se fu desevré,
Et si estoit uns grans termes passés.
Quant à véu l’oevre si atorner,
Et la pais faire et la guerre finer,
A la roïne a congié demandé.
« Dame, fait il, bien le savés asés,
« A icel jor que me fui desevrés
« De ma moillier et de mes iretiers,
« Je les laissai en moult grant povreté ;
« Mais, Dieu merci et la vostre bonté,
« Or ai avoir et deniers monéés
« Et bon cheval, palefroi et destrier,
« Si qu’à ma vie en serai aaisiés,
« Dont je vos pri le congié me donés. »
Dist la roïne : « Volentiers et de gré. »
Une charée d’avoir li a doné. (*)
Et dist la dame : « Varochers, or alés,
« Et quant aurés vostre oevre devisé,
« Tornés à cort, ne soit mie oblié. »
Dist Varochers : « Et l’ai bien porpensé. »
A poi de gent à cheval est montés,