que dessus seruira pour responce, et pour vérifier qu’il ne fust meurtry à Ouglits, ains vn supposé en sa place.
Touchant ce qu’il l’appelle Rostrigue, c’est chose tres-asseurée, que peu de temps apres l’eslection de Boris Federuits, il y eut vn Moine qui s’enfuit d’vn Conuent où il estoit lequel il appelle Rostrigue, et se nommoit Grisque Otrepiof, lequel auoit esté autrefois secretaire du Patriarche et s’enfuit en Pologne, ce fut deslors que Boris commença à doubter de ce qui en estoit, comme l’on peut veoir par le cours de sa vie. Pour respondre à cela, ie dis que c’est chose asseurée qu’ils estoient deux qui s’enfuirent en habit de Moine, à sçauoir ce Rostrigue, et vn autre lequel iusques à present n’a point de nom. Car l’Empereur Boris lors regnant, enuoya par toutes les frontieres, courriers auec expres commandement de faire guetter tous les passages, et de retenir vn chacun, ne laissant mesme passer ceux qui auoient vn passe-port. Car (ainsi que contenoit le mandement du dit Boris, comme i’ay appris) il y auoit deux traistres de l’Empire qui s’enfuyoient en Pologne, et furent lesdits chemins fermez, tellement que par l’espace de trois ou quatre mois, nul ne pouuoit entrer ny sortir, pour aller d’vne ville à l’autre, à cause des Sastafs, qui est vne espece de gardes qui tenoient les chemins, qu’on ne pose iamais qu’en temps de contagion.
Outre ce, c’est chose toute approuuée et asseurée, que ledit Rostrigue est aagé de trente-cinq à trente-huict ans, au lieu que ledit Demetrius ne pouuoit auoir que de vingt-trois à
