tennement de Knes Feder Iuanneuits Mistislofqui, qui a tousiours eu la premiere place, pendant la vie de quatre Empereurs. Les Acolnitshes depuis 200. iusques à 400. roubles, et de terre depuis 1000. Setuarts, iusques à deux mil ; i’en ay cognu en vn mesme temps, vne quinzaine, les Domnai Deuorens, lequels coustumierement ne surpassent pas six depuis 100. roubles iusques à 200 roubles, et de terre de 800. iusques à 1200. Setuarts, les Moscoffqui Deuorens de 20. iusques à 100. roubles, et de terre de 500. iusques à 1000. Setuarts, les Vibournei Deuorens de huict iusques à quinze roubles : les Grodouoi Deuoren de cinq iusques à douze roubles, et de terre iusques à 500. Setuarts. Tous lesquels sont annuellement payez, hors des Setuarts cy-dessus nommez, et faut fournir deux hommes de chaque 100. Setuarts, comme est dit cy-dessus. Quand aux autres qui sont Deti Baiarsqui et Sin Baiarsqui, leur paie est de 4.5. et 6 roubles, payez de six à sept ans vne fois. Ils tiennent tous, terres de l’Empereur, de 100. iusques à 300. Setuarts. Leur seruice correspond coustumierement aux gages, qui est plustot d’emplir le nombre qu’autre chose.
Il faut que les principaux cy-dessus nommez, ayent vne cotte de maille, vn heaume, vne lance, arc et flesche. Comme aussi chacun de leurs seruiteurs, auec bonne monture ; les autres qu’ils ayent assez bons cheuaux, vn arc, des flesches, et vn cimeterre, comme aussi leurs seruiteurs : enfin cela faict vn grand nombre de gens mal montez sans ordre, cœur ou discipline, desquels plusieurs font souuent plus de
