plus grand, pour posséder deux mille arpents de terre ? eux s’en moquent, accoustumés d’embrasser tout le monde, comme leur possession. Vous veniez vous de vostre noblesse, pour compter sept ayeulx riches ? ils vous estiment de peu, ne conceuant l’image vniuerselle de nature, et combien chascun de nous a eu de prédécesseurs, riches, pauures, Roys, valets, Grecs, Barbares. Et quand vous seriez cinquantiesme descendant de Hercules, ils vous trouuent vain, de faire valoir ce présent de la fortune. Ainsi les desdeignoit le vulgaire, comme ignorants les premières choses et communes, et comme présomptueux et insolents.Mais cette peinture Platonique est bien esloignée de celle qu’il faut à noz hommes. On enuioit ceux-là comme estans au dessus de la commune façon, comme mesprisans les actions publiques, comme ayans dressé vne vie particulière et inimitable, réglée à certains discours hautains et hors d’vsage : ceux-cy on les desdeigne, comme estans au dessoubs de la commune façon, comme incapables des charges publiques, comme trainans vne vie et des meurs basses et vîtes après le vulgaire. Odi homines ignaua opéra, Philosopha sententia.Quant à ces Philosophes, dis-ie, comme ils estoient grands en science, ils estoient encore plus grands en toute action. Et tout ainsi qu’on dit de ce Geometrien de Syracuse, lequel ayant esté destourné de sa contemplation, pour en mettre quelque chose en pratique, à la defîence de son pais, qu’il mit soudain en train des engins espouuentables, et des effects surpassans toute créance humaine ; desdaignant toutefois luy mesme toute cette sienne manufacture, et pensant en cela auoir corrompu la dignité de son art, de laquelle ses ouurages n’estoient que l’apprentissage et le iouet. Aussi eux, si quelquefois on les a mis à la prenne de l’action, on les a veu voler d’vne aisle si haulte, qu’il paroissoit bien, leur cœur et leur ame s’estre merueilleusement grossie et enrichie par l’intelligence des choses. Mais aucuns voyants la place du gouuernement politique saisie par hommes incapables, s’en sont reculés. Et celuy qui demanda à Crates, iusques à quand il faudroit philosopher, en récent cette responce : Iusques à tant que ce ne soient plus des asniers, qui conduisent noz armées. Heraclitus resigna la Royauté à son frère. Et aux Ephesiens, qui luy reprochoient, qu’il passoit son temps à iouer auec les enfans douant le temple : Vaut-il pas mieux faire cecy, que gouuerner les affaires en vostre compagnie ? D’autres ayans leur imagination logée au dessus de la fortune et du monde, trouuerent les sièges de la iustice, et les thrones mesmes
