les Grecs de celle que Flaminius lit passer en leur païs : et Philippus voyant d’vn tertre, l’ordre et distribution du camp Romain, en son Royaume, sous Publius Sulpicius Galba. Voilà comment il se faut garder de s’attacher aux opinions vulgaires, et les faut iuger par la voye de la raison, non par la voix commune.I’ay eu long temps auec moy vn homme qui auoit demeuré dix ou douze ans en cet autre monde, qui a esté descouuert en nostre siècle, en l’endroit où Vilegaignon print terre, qu’il surnomma la France Antartique. Cette descouuerte d’vn païs infiny, semble de grande considération. Ie ne sçay si ie me puis respondre, qu’il ne s’en face à l’aduenir quelqu’autre, tant de personnages plus grands que nous ayans esté trompez en cette-cy. I’ay peur que nous ayons les yeux plus grands que le ventre, et plus de curiosité, que nous n’auons de capacité. Nous embrassons tout, mais nous n’estreignons que du vent. ’ Platon introduit Solon racontant auoir appris des Prostrés de la ville de Sais en Ægypte, que iadis et auant le déluge, il y auoit vne grande Isle nommée Atlantide, droict à la bouche du destroit de Gibaltar, qui tenoit plus de païs que l’Afrique et l’Asie toutes deux ensemble : et que les Roys de cette contrée là, qui ne possedoient pas seulement cette Isle, mais s’estoyent estendus dans la terre ferme si auant, qu’ils tenoyent de la largeur d’Afrique, iusques en Ægypte, et de la largeur de l’Europe, iusques en la Toscane, entreprindrent d’eniamber iusques sur l’Asie, et subiuguer toutes les nations qui bordent la mer Méditerranée, iusques au golfe de la mer Maiour : et pour cet effect, trauerserent les Espaignes, la Gaule, l’Italie iusques en la Grèce, où les Athéniens les soustindrent : mais que quelque temps après, et les Athéniens et eux et leur Isle furent engloutis par le déluge. Il est bien vray-semblable, que cet extrême rauage d’eau ait faict des changemens estranges aux habitations de la terre : comme on tient que la mer a retranché la Sicile d’auec l’Italie :
Hæc loca vi quondam, et vasta conuulsa ruina
Dissiluisse ferunt, cùm protinus vtraque tellus
Vna foret ;
Chypre d’auec la Surie ; l’Isle de Negrepont, de la terre ferme de la
Bœoce : et ioint ailleurs les terres qui estoient diuisées, comblant
de limon et de sable les fosses d’entre-deux.
Sterilisque diu palus aptâque remis
Vicinas vrbes alit, et graue sentit aratrum.
Mais il n’y a pas grande apparence, que cette Isle soit ce monde
nouueau, que nous venons de descouurir : car elle touchoit quasi
l’Espaigne, et ce seroit vn efïect incroyable d’inundation, de l’en
