donné argument au prouerbe, que l’Afrique produit tousiours quelque chose de nouueau. Ce mesme prouerbe ont plus auant pratiqué les Romains, comme plusieurs fois ils ayent faict voyages et expeditions en Afrique, pour l’auoir par long temps dominée. Comme vous auez de Scipion surnommé Africain, ils emportoyent tousiours ie ne sçay quoy d’estrange, qui sembloit mettre et engendrer scandale en leur cité et Republique.
CHAPITRE IV.
Barbarie partie de l’Afrique pourquoy ainsi nommée. Or quant à la partie d’Afrique, laquelle nous auons costoyée vers l’Oceà Atlantique comme Mauritanie, et la Barbarie, ainsi appellée pour la diuersité et façon estrange des habitans : elle est habitée de Turcs, Mores, et autres natifs du païs, vray est qu’en aucuns lieux elle est peu habitée, et comme deserte, tant à cause de l’excessiue chaleur, qui les contraint demeurer tous nuds, hors-mis les parties honteuses, que pour la sterilité d’aucuns endroits pleins d’arenes, et
